മുംബൈ: പ്രമുഖ ഹിന്ദി സിനിമാ സംവിധായകൻ എം. എം. ബെയ്ഗ് (76) അന്ധേരി വെസ്റ്റിലെ ലോഖൻവാലയിലെ വസതിയിൽ മരിച്ച നിലയിൽ കണ്ടെത്തി. നിരവധി ദിവസങ്ങളായി ഇദ്ദേഹത്തെ ബന്ധപ്പെടാനാകാത്തതിനെ തുടർന്ന് അയൽവാസികൾ പോലീസിനെ വിവരം അറിയിക്കുകയായിരുന്നു.

വാതിൽ തുറന്ന് വീട്ടിൽ പ്രവേശിച്ചപ്പോൾ പ്രതികരണമില്ലാത്ത നിലയിൽ കണ്ടെത്തിയ ബെയ്ഗിനെ കൂപർ ആശുപത്രിയിൽ എത്തിച്ചെങ്കിലും മരണം സ്ഥിരീകരിച്ചു. പ്രാഥമിക അന്വേഷണത്തിൽ ദുരൂഹതകളൊന്നും കണ്ടെത്തിയിട്ടില്ല. ‘അപ്രതീക്ഷിത മരണം’ കേസായി പോലീസ് രജിസ്റ്റർ ചെയ്തു.

‘ചോട്ടി ബഹു’ ഉൾപ്പെടെ നിരവധി സിനിമകളിലൂടെ ശ്രദ്ധ നേടിയ ബെയ്ഗിന്റെ നിര്യാണം ബോളിവുഡിൽ ദുഃഖമായി.