മുംബൈ: മുംബൈയിലെ ഖാർ വെസ്റ്റിലുള്ള ആഡംബര അപ്പാർട്ട്മെന്റ് 9 കോടി രൂപയ്ക്ക് വിറ്റ് ബോളിവുഡ് നടൻ ടൈഗർ ഷ്രോഫ്. ജുഹുവിലുണ്ടായ വെടിവെയ്പ്പ് സംഭവത്തിന് ദിവസങ്ങൾക്ക് ശേഷമാണ് നടന്റെ ഈ നടപടി. ഏകദേശം ഒരു വർഷത്തിനിടയിൽ നടൻ നടത്തുന്ന മൂന്നാമത്തെ പ്രോപ്പർട്ടി വിൽപ്പനയാണിത്.

1,291 ചതുരശ്ര അടി വിസ്തീർണ്ണമുള്ളതാണ് ഈ ഒൻപതാം നിലയിലുള്ള അപ്പാർട്ട്മെന്റ്. 2018-ൽ 7.61 കോടി രൂപയ്ക്കാണ് ടൈഗർ ഷ്രോഫ് ഈ പ്രോപ്പർട്ടി വാങ്ങിയിരുന്നത്. രണ്ട് കവർഡ് കാർ പാർക്കിംഗ് സൗകര്യങ്ങളുള്ള ഈ വീടാണ് ഇപ്പോൾ 9 കോടി രൂപയ്ക്ക് കൈമാറിയിരിക്കുന്നത്. റിയൽ എസ്റ്റേറ്റ് വിപണിയിൽ പ്രീമിയം പ്രോപ്പർട്ടികൾക്ക് മുംബൈയിൽ ഇപ്പോഴും വലിയ ആവശ്യക്കാരുണ്ടെന്നാണ് ഈ വിൽപ്പന വ്യക്തമാക്കുന്നത്.