പൂനെ: ഐ.ടി. കമ്പനിയായ ടിസിഎസിൽ ജോലി ചെയ്തിരുന്ന ഒരു പുരുഷ ജീവനക്കാരനെ സഹപ്രവർത്തകർ ബലമായി തലക്കുപ്പായം ധരിപ്പിച്ച് നമസ്കാരം ചെയ്യിപ്പിച്ചുവെന്ന ഗുരുതര ആരോപണവുമായി ബന്ധപ്പെട്ട കേസിൽ പുതിയ വിവരങ്ങൾ പുറത്ത്. പൊലീസ് കോടതിയിൽ സമർപ്പിച്ച പുതുക്കിയ റിമാൻഡ് ഹർജിയിലാണ് ഈ ആരോപണങ്ങൾ വ്യക്തമായി രേഖപ്പെടുത്തിയിരിക്കുന്നത്.പരാതിക്കാരനെ മതപരമായി നിർബന്ധിക്കുകയും മാനസികമായി പീഡിപ്പിക്കുകയും ചെയ്തുവെന്നാണ് അന്വേഷണസംഘത്തിന്റെ വിലയിരുത്തൽ. നിർബന്ധിതമായ മതാചാരങ്ങൾ മൂലം ജോലി സ്ഥലത്ത് ഭയം, അസ്വസ്ഥത തുടങ്ങിയ അവസ്ഥകൾ നേരിട്ടതായി ജീവനക്കാരൻ മൊഴി നൽകിയിട്ടുണ്ട്. സംഭവത്തിൽ മറ്റ് സഹപ്രവർത്തകരുടെ പങ്ക് ഉൾപ്പെടെ പൊലീസ് വിശദമായ അന്വേഷണം തുടരുന്നു.
കേസിന്റെ ഗൗരവം പരിഗണിച്ച് പ്രതികളുടെ കസ്റ്റഡി കാലാവധി നീട്ടണമെന്ന് പൊലീസ് കോടതിയോട് ആവശ്യപ്പെട്ടു. ജോലി സ്ഥലങ്ങളിലെ വ്യക്തി സ്വാതന്ത്ര്യവും മതസ്വാതന്ത്ര്യവും സംബന്ധിച്ച ചർച്ചകൾക്ക് വഴിവെക്കുന്ന സംഭവമായി ഇത് ശ്രദ്ധ നേടുന്നു.
