താനെ: ശ്രീനാരായണ മന്ദിര സമിതി താനെ ശ്രീനഗർ യൂണിറ്റ് ആഭിമുഖ്യത്തിൽ സംഘടിപ്പിക്കുന്ന ‘ഗുരുവിന്റെ കൃതികളെ കുറിച്ചുള്ള പഠന’ പരമ്പരയ്ക്ക് ഭക്തിസാന്ദ്രമായ തുടക്കം. ശ്രീനാരായണ ഗുരുദവിന്റെ ദർശനങ്ങളും മാനവിക മൂല്യങ്ങളും സമൂഹത്തിലേക്ക് പകർന്നുനൽകുക എന്ന ലക്ഷ്യത്തോടെ ഒരുക്കിയ പഠനപരമ്പരയുടെ ആദ്യ ക്ലാസ്സ് വൻ ജനപങ്കാളിത്തത്തോടെയാണ് സമാപിച്ചത്.

യൂണിറ്റ് പരിധിയിലെ നിരവധി ഭക്തജനങ്ങളും വനിതാ വിഭാഗം അംഗങ്ങളും പങ്കെടുത്ത ചടങ്ങിൽ, ഗുരു കൃതികളെയും ദർശനങ്ങളെയും ആസ്പദമാക്കി നടന്ന ക്ലാസ്സ് ഏറെ ശ്രദ്ധേയമായി. ലളിതവും ആഴത്തിലുള്ളതുമായ അവതരണം കൊണ്ട് പങ്കെടുത്ത ഏവരുടെയും മനസ്സ് നിറയ്ക്കാൻ ക്ലാസ്സിന് സാധിച്ചു. ഗുരുധർമ്മങ്ങളെ അടുത്തറിയാനും ജീവിതത്തിൽ പകർത്താനും പ്രയോജനപ്പെടുന്നതായിരുന്നു ഈ പഠനക്ലാസ്സെന്ന് പങ്കെടുത്തവർ ഒരേസ്വരത്തിൽ അഭിപ്രായപ്പെട്ടു.

ശ്രീനഗർ യൂണിറ്റിന്റെ നേതൃത്വത്തിൽ വരും ദിവസങ്ങളിലും പഠനപരമ്പരയുടെ തുടർച്ചയായ ക്ലാസ്സുകൾ ഉണ്ടായിരിക്കുമെന്ന് ഭാരവാഹികൾ അറിയിച്ചു. ആദ്യ ദിനത്തിലെ മികച്ച പ്രതികരണവും പങ്കാളിത്തവും പരിപാടിയുടെ വൻ വിജയത്തിന് അടിവരയിടുന്നതായിരുന്നു. പരിപാടിയിൽ പങ്കെടുത്ത മുഴുവൻ ആളുകളും ഏറെ സംതൃപ്തിയോടെയും സന്തോഷത്തോടെയുമാണ് മടങ്ങിയത്.

കൂടുതൽ വിവരങ്ങൾ അറിയാനും വരും ക്ലാസ്സുകളിൽ ചേരാൻ ആഗ്രഹിക്കുന്നവർക്കും ബന്ധപ്പെടുക

Ph :
+91 97697 63648
+91 98331 12970
+91 98201 18576