ന്യൂഡൽഹി:നാക്കിലുണ്ടാകുന്ന കാൻസർ ചികിത്സയ്ക്ക് ശേഷം വളരെ വേഗത്തിൽ തിരിച്ചുവരുന്നത് (Rapid recurrence) രോഗികളുടെ ആയുസ്സ് ഗണ്യമായി കുറയ്ക്കുന്നതായി പുതിയ പഠന റിപ്പോർട്ട്. കാൻസർ ബാധയിൽ നിന്ന് രക്ഷനേടി ആദ്യ മൂന്ന് മാസങ്ങൾക്കുള്ളിൽ രോഗം വീണ്ടും പ്രത്യക്ഷപ്പെടുന്നവർക്ക് ദീർഘകാല അതിജീവന സാധ്യത വളരെ കുറവാണെന്നാണ് ഗവേഷകർ മുന്നറിയിപ്പ് നൽകുന്നത്.

തുടക്കത്തിലുള്ള ചികിത്സകൾക്ക് ശേഷവും കാൻസർ അതിവേഗം തിരിച്ചുവരുന്നത് രോഗിയുടെ ആരോഗ്യനിലയെ ഗുരുതരമായി ബാധിക്കാമെന്നും, ഇത് മരണസാധ്യത വർദ്ധിപ്പിക്കുന്ന പ്രധാന ഘടകമാണെന്നും പഠനങ്ങൾ വ്യക്തമാക്കുന്നു. രോഗബാധയുടെ പ്രാരംഭ ഘട്ടത്തിൽ തന്നെ കൃത്യമായ നിരീക്ഷണവും പ്രതിരോധ നടപടികളും സ്വീകരിക്കേണ്ടതിന്റെ പ്രാധാന്യമാണ് ഈ കണ്ടെത്തലുകൾ ഓർമ്മിപ്പിക്കുന്നത്.