മുംബൈ : മഹാകുംഭ മേളയുമായി ബന്ധപ്പെട്ട് സോഷ്യൽ മീഡിയയിൽ വൈറലായ മോണാലിസയുടെ വിവാഹ കേസിൽ പുതിയ വഴിത്തിരിവ്. ദേശീയ പട്ടികജാതി കമ്മീഷൻ (NCST) നടത്തിയ പരിശോധനയിൽ, മോണാലിസ പ്രായപൂർത്തിയായിട്ടില്ലെന്ന് കണ്ടെത്തിയതായി റിപ്പോർട്ടുകൾ വ്യക്തമാക്കുന്നു.
ഈ കണ്ടെത്തലിന്റെ പശ്ചാത്തലത്തിൽ, ഭർത്താവായി അറിയപ്പെട്ട ഫർമ്മാൻ ഖാനെതിരെ ഗുരുതരമായ നിയമനടപടികൾക്ക് സാധ്യത ഉയർന്നിരിക്കുകയാണ്. പ്രായപൂർത്തിയാകാത്ത പെൺകുട്ടിയെ വിവാഹം കഴിച്ചതടക്കമുള്ള കുറ്റങ്ങൾ ചുമത്തി, പോക്സോ നിയമപ്രകാരം കേസ് രജിസ്റ്റർ ചെയ്യാനുള്ള സാധ്യതയുണ്ടെന്നാണ് നിയമവിദഗ്ധരുടെ വിലയിരുത്തൽ.
മഹാകുംഭ മേളക്കിടെ ഇരുവരുടെയും ബന്ധം സാമൂഹ്യമാധ്യമങ്ങളിൽ വ്യാപകമായി പ്രചരിച്ചതോടെയാണ് സംഭവം ദേശീയ ശ്രദ്ധ നേടിയത്. തുടർന്ന്, പെൺകുട്ടിയുടെ പ്രായത്തെക്കുറിച്ചുള്ള സംശയങ്ങൾ ഉയർന്നതോടെ ബന്ധപ്പെട്ട ഏജൻസികൾ അന്വേഷണം ആരംഭിക്കുകയും കൂടുതൽ വിവരശേഖരണം നടത്തുകയും ചെയ്തു.
കേസുമായി ബന്ധപ്പെട്ട തെളിവുകൾ ശേഖരിക്കുന്ന നടപടികൾ തുടരുകയാണ്. വിഷയത്തിന്റെ ഗൗരവം പരിഗണിച്ച്, അടുത്ത ഘട്ടത്തിൽ സ്വീകരിക്കുന്ന നിയമനടപടികൾക്ക് ദേശീയതലത്തിൽ പ്രാധാന്യം ലഭിക്കുമെന്നാണ് വിലയിരുത്തൽ.
