മുംബൈ: മുംബൈയിലെ ഏറ്റവും പഴക്കമേറിയ പൊതു ഗണേശോത്സവ ആഘോഷമായ ഗിർഗാവിലെ കേശവ്ജി നായിക് ചൗളിൽ ഈ വർഷം അപൂർവമായ സാംസ്കാരിക വിരുന്ന് ഒരുങ്ങുന്നു. പാല്ഘറിലെ ഗോത്രവർഗ വിഭാഗമായ വാർലി സമുദായത്തിന്റെ 2,000 വർഷത്തിലധികം പഴക്കമുള്ള പരമ്പരാഗത വാർലി കലാരൂപമാണ് ഇത്തവണത്തെ പ്രധാന ആകർഷണം.

1893-ൽ ആരംഭിച്ച ഈ ചരിത്രപ്രസിദ്ധമായ മണ്ഡൽ, പരമ്പരാഗത പൈതൃകവും ആധുനിക ആശയങ്ങളും സമന്വയിപ്പിച്ചാണ് ഇത്തവണ ഉത്സവത്തിന് ഒരുങ്ങുന്നത്. പുതിയ തലമുറയ്ക്കായി സാംസ്കാരിക മൂല്യങ്ങൾ സംരക്ഷിക്കുന്നതിന്റെ ഭാഗമായി നിർമ്മിത ബുദ്ധി (AI) പ്രഭാഷണങ്ങളും ഡിജിറ്റൽ സംരംഭങ്ങളും ആഘോഷത്തിന്റെ ഭാഗമായി സംഘടിപ്പിക്കുമെന്ന് സംഘാടകർ അറിയിച്ചു.