മുംബൈ: കേന്ദ്ര വിദ്യാഭ്യാസ മന്ത്രി ധർമേന്ദ്ര പ്രധാൻ രാജിവെച്ചതിനെ തുടർന്ന് സി.ജെ.പി നേതാക്കളായ അഭീജീത് ദീപ്കെ, സോനം വാങ്ചുക് എന്നിവരുടെ നേതൃത്വത്തിൽ ജന്തർ മന്തറിൽ നടന്ന നീറ്റ് പ്രക്ഷോഭം അവസാനിച്ചു. വിഷയത്തിൽ പ്രധാനമന്ത്രി നരേന്ദ്ര മോദി ഉടൻ ഇടപെട്ടെന്നും ചോദ്യപേപ്പർ ചോർച്ച തടയാൻ 10 വർഷം തടവും 10 കോടി രൂപ പിഴയും വ്യവസ്ഥ ചെയ്യുന്ന കർശന നിയമം കേന്ദ്ര സർക്കാർ കൊണ്ടുവന്നതായും മഹാരാഷ്ട്ര ഉപമുഖ്യമന്ത്രി ഏക്നാഥ് ഷിൻഡെ പറഞ്ഞു.
ചോർച്ചയിൽ സി.ബി.ഐ അന്വേഷണം പുരോഗമിക്കുകയാണെന്നും കുറ്റക്കാരായ ആരെയും വെറുതെ വിടില്ലെന്നും അദ്ദേഹം വ്യക്തമാക്കി. സമരം അവസാനിച്ചതോടെ ക്രെഡിറ്റ് തട്ടിയെടുക്കാൻ പ്രതിപക്ഷം ശ്രമിക്കുകയാണെന്നും, ഇത് കോൺഗ്രസിന്റെ രാഷ്ട്രീയ നാടകമാണെന്ന് സോനം വാങ്ചുകിന്റെ ഭാര്യ തന്നെ പറഞ്ഞതായും ഷിൻഡെ ആരോപിച്ചു. അതേസമയം, 37 ദിവസം നീണ്ട സമരം അവസാനിച്ചതോടെ ആദ്യമായി സമാധാനമായി ഉറങ്ങാൻ കഴിഞ്ഞതായി സി.ജെ.പി സ്ഥാപകൻ അഭീജീത് ദീപ്കെ എക്സിൽ കുറിച്ചു.
