മുംബൈ : പ്രതീക്ഷ ഫൗണ്ടേഷന്റെ വാർഷികാഘോഷത്തോടനുബന്ധിച്ച് സംഘടിപ്പിക്കുന്ന സാഹിത്യ ശിൽപ്പശാല ആഗസ്റ്റ് 16 ഞായറാഴ്ച നടക്കും. വസായ് റോഡ് വെസ്റ്റിലുള്ള ബി.കെ.എസ്. സ്കൂളിൽ രാവിലെ 10 മുതൽ വൈകുന്നേരം 5 മണി വരെയാണ് പരിപാടി.

​പ്രശസ്ത സാഹിത്യകാരൻ വി.ആർ. സുധീഷ് മുഖ്യാതിഥിയായി പങ്കെടുക്കുന്ന ചടങ്ങിൽ വയലാർ ശരത് ചന്ദ്രവർമ്മ, ഡോ. സജിത് ഏവുരേത്ത് എന്നിവർ സംബന്ധിക്കും. സി.പി. കൃഷ്ണകുമാർ ചടങ്ങിൽ അധ്യക്ഷത വഹിക്കും.

​കവിത, ചെറുകഥാ രചനാ മത്സരങ്ങൾ

​ശിൽപ്പശാലയുടെ ഭാഗമായി പൊതുജനങ്ങൾക്കായി കവിത, ചെറുകഥാ രചനാ മത്സരങ്ങൾ സംഘടിപ്പിക്കുന്നുണ്ട്. ചെറുകഥകൾ താളിന്റെ ഒരു പുറത്ത് (ഒറ്റപ്പുറത്ത്) മാത്രമായി എഴുതേണ്ടതും 15 പേജിൽ കവിയാൻ പാടില്ലാത്തതുമാണ്.

​മത്സരത്തിൽ വിജയികളാകുന്നവർക്ക് ആകർഷകമായ സമ്മാനങ്ങളാണ് കാത്തിരിക്കുന്നത്:
​ഒന്നാം സമ്മാനം: 5001 രൂപയും പ്രശസ്തിപത്രവും
​രണ്ടാം സമ്മാനം: 3001 രൂപയും പ്രശസ്തിപത്രവും
​രചനകൾ അയക്കേണ്ട വിലാസം:
​തയ്യാറാക്കിയ രചനകൾ ജൂലൈ 30-ന് മുമ്പായി ലഭിക്കത്തക്കവിധം താഴെ കാണുന്ന വിലാസത്തിൽ അയക്കേണ്ടതാണ്:
​വിലാസം:
ഷോപ്പ് നമ്പർ 1, ഗ്രീൻ പാർക്ക്,
ശാസ്ത്രി നഗർ, വസായ് വെസ്റ്റ് – 401202.
​മത്സരത്തെക്കുറിച്ചും ശിൽപ്പശാലയെക്കുറിച്ചും കൂടുതൽ വിവരങ്ങൾ അറിയുന്നതിനായി പ്രതീക്ഷ ഫൗണ്ടേഷൻ ഭാരവാഹികളായ കെ.ബി. ഉത്തം കുമാർ (ചെയർമാൻ – 9323528197), രാജേന്ദ്രൻ കുറ്റൂർ (99306 27906), ദിവാകരൻ എ.എം. (9819103928) എന്നിവരുമായി ബന്ധപ്പെടാവുന്നതാണ്.