പാൽഘർ: മഹാരാഷ്ട്രയിലെ പാൽഘർ ജില്ലയിൽ കനത്ത മഴയെ തുടർന്ന് വൻ മലയിടിച്ചിൽ. അപകടസാധ്യത കണക്കിലെടുത്ത് പ്രശസ്ത വിനോദസഞ്ചാര കേന്ദ്രമായ താണ്ഡുൽവാഡി കോട്ടയിലേക്ക് (Tandulwadi Fort) വിനോദസഞ്ചാരികൾക്കും ട്രെക്കിംഗുകാർക്കും അധികൃതർ കർശന വിലക്കേർപ്പെടുത്തി.

തുടർച്ചയായി പെയ്യുന്ന കനത്ത മഴയാണ് മലയോര മേഖലയിൽ വലിയ രീതിയിലുള്ള മണ്ണിടിച്ചിലിന് കാരണമായത്. ഇതിന്റെ ദൃശ്യങ്ങൾ പുറത്തുവന്നിട്ടുണ്ട്. കനത്ത മൂടൽമഞ്ഞും വഴുക്കലുള്ള പാതകളും കാരണം മലകയറ്റം അതീവ അപകടകരമാണെന്നും, സുരക്ഷ മുൻനിർത്തി സഞ്ചാരികൾ ഇവിടേക്കുള്ള യാത്ര പൂർണ്ണമായും ഒഴിവാക്കണമെന്നും അധികൃതർ മുന്നറിയിപ്പ് നൽകി.