മുംബൈ: മഹാനഗരത്തിൽ വരും മണിക്കൂറുകളിൽ ശക്തമായ കാറ്റും കനത്ത മഴയും തുടരുമെന്ന് കേന്ദ്ര കാലാവസ്ഥാ നിരീക്ഷണ കേന്ദ്രം (IMD) അറിയിച്ചു. ഇന്ന് (തിങ്കൾ) വൈകുന്നേരം വരെ നഗരത്തിലും പരിസര പ്രദേശങ്ങളിലും കനത്ത മഴയ്ക്കും ശക്തമായ കാറ്റിനും സാധ്യതയുണ്ടെന്നാണ് പ്രവചനം.
എന്നാൽ, വൈകുന്നേരത്തിന് ശേഷം മഴയുടെ തീവ്രതയിൽ കുറവുണ്ടായേക്കുമെന്ന് ഐഎംഡി മുംബൈയിലെ മുതിർന്ന ശാസ്ത്രജ്ഞ സുഷമ നായർ (Sushma Nair) വ്യക്തമാക്കി. നിലവിലെ കാലാവസ്ഥാ സാഹചര്യങ്ങൾ നിരീക്ഷിച്ചു വരികയാണെന്നും വൈകുന്നേരത്തോടെ ജനങ്ങൾക്ക് നേരിയ ആശ്വാസം നൽകിക്കൊണ്ട് മഴയുടെ ശക്തി കുറയാൻ സാധ്യതയുണ്ടെന്നും അവർ കൂട്ടിച്ചേർത്തു.
അതേസമയം, നഗരത്തിൽ ‘റെഡ് അലർട്ട്’ പ്രഖ്യാപിച്ചിരിക്കുന്ന സാഹചര്യത്തിൽ, അതിശക്തമായ കാറ്റിനും മഴയ്ക്കും സാധ്യതയുള്ളതിനാൽ നഗരവാസികൾ ആവശ്യമായ മുൻകരുതലുകൾ സ്വീകരിക്കണമെന്ന് ബിഎംസി (BMC) അധികൃതർ നിർദ്ദേശിച്ചു.
