ലോകാരോഗ്യ ദിനത്തോടനുബന്ധിച്ച് മുംബൈയിൽ ആശങ്കയുണർത്തുന്ന ആരോഗ്യസ്ഥിതി വിവരങ്ങൾ പുറത്ത്. നഗരത്തിൽ യുവാക്കളിൽ കാൻസർ കേസുകൾ ഗണ്യമായി ഉയരുന്നുവെന്ന് വിവിധ ആശുപത്രികൾ വ്യക്തമാക്കുന്നു.
മാറ്റം വന്ന ജീവിതശൈലി, അമിത സമ്മർദ്ദം, അനാരോഗ്യകരമായ ഭക്ഷണരീതി എന്നിവയാണ് പ്രധാന കാരണം എന്ന് വിദഗ്ധർ പറയുന്നു. മുമ്പ് കൂടുതലായി മുതിർന്നവരിൽ കണ്ടിരുന്ന രോഗങ്ങൾ ഇപ്പോൾ ചെറുപ്പക്കാരിലും കണ്ടെത്തുന്ന പ്രവണത ശക്തമാകുന്നതായും മുന്നറിയിപ്പ്.
രോഗികളുടെ എണ്ണം വർധിച്ചതോടെ മുംബൈയിലെ ആശുപത്രികളിൽ വലിയ തിരക്കാണ് അനുഭവപ്പെടുന്നത്. പരിശോധനയ്ക്കും ചികിത്സയ്ക്കുമായി എത്തുന്നവരുടെ എണ്ണം കൂടിയതോടെ ആരോഗ്യ സംവിധാനങ്ങൾക്കും കനത്ത സമ്മർദ്ദം നേരിടേണ്ടിവരുന്നു.
രോഗം തുടക്കത്തിലേ കണ്ടെത്തുന്നതാണ് ഏറ്റവും പ്രധാനമെന്ന് ആരോഗ്യ വിദഗ്ധർ ഓർമ്മിപ്പിക്കുന്നു. സ്ഥിരമായ ആരോഗ്യപരിശോധനയും ആരോഗ്യകരമായ ജീവിതശൈലിയും പാലിക്കുന്നത് കാൻസർ ഉൾപ്പെടെയുള്ള ഗുരുതര രോഗങ്ങൾ നിയന്ത്രിക്കാൻ സഹായകരമാണെന്നും അവർ ചൂണ്ടിക്കാട്ടുന്നു.
