മുംബൈ: ജൈന ക്ഷേത്രങ്ങൾക്ക് LPG സിലിണ്ടർ നൽകുന്നതുമായി ബന്ധപ്പെട്ട വിവാദത്തിൽ മഹാരാഷ്ട്ര മന്ത്രി മംഗൾ പ്രഭാത് ലോധ പ്രതികരണവുമായി രംഗത്ത്. ഹിന്ദു മതാചാരങ്ങളെയും ഉത്സവങ്ങളെയും വിമർശിക്കുന്നത് ഇപ്പോൾ “ഫാഷൻ” ആയിത്തീർന്നുവെന്നായിരുന്നു മന്ത്രിയുടെ പരാമർശം.

ജൈന സമൂഹത്തിന്റെ മതാചാരങ്ങളുടെ ഭാഗമായി ക്ഷേത്രങ്ങളിൽ ഭക്ഷണ ഒരുക്കങ്ങൾക്ക് LPG സിലിണ്ടർ നൽകുന്നതിനെതിരെ ഉയർന്ന വിമർശനങ്ങളോട് പ്രതികരിക്കുകയായിരുന്നു മന്ത്രി. ഇത് മതപരമായ ആവശ്യങ്ങളുമായി ബന്ധപ്പെട്ടതാണെന്നും അതിനെ രാഷ്ട്രീയ വിവാദമാക്കേണ്ടതില്ലെന്നും അദ്ദേഹം വ്യക്തമാക്കി.

മതാചാരങ്ങളെ ലക്ഷ്യമിട്ട് വിമർശനങ്ങൾ ഉയരുന്നത് ആശങ്കാജനകമാണെന്നും, വിശ്വാസങ്ങളെ മാനിക്കേണ്ടത് എല്ലാവരുടെയും ബാധ്യതയാണെന്നും അദ്ദേഹം ചൂണ്ടിക്കാട്ടി.