മുംബൈ: മഹാരാഷ്ട്രയുടെ 2026–27 ബജറ്റിൽ മുംബൈ മഹാനഗര മേഖലയിലെ വികസനത്തിന് വലിയ പ്രാധാന്യം നൽകി മുഖ്യമന്ത്രി ദേവേന്ദ്ര ഫഡ്നവീസ്. അടിസ്ഥാന സൗകര്യ വികസനവും ഭവന പദ്ധതികളും ശക്തിപ്പെടുത്തുന്ന നിരവധി പദ്ധതികളാണ് ബജറ്റിൽ പ്രഖ്യാപിച്ചത്.

മുംബൈയിലും പരിസര പ്രദേശങ്ങളിലുമായി പുതിയ മെട്രോ പാതകൾ, ടണൽ റോഡുകൾ, കടൽപ്പാലങ്ങൾ തുടങ്ങിയ ഗതാഗത പദ്ധതികൾ നടപ്പാക്കുമെന്ന് സർക്കാർ അറിയിച്ചു. നഗരത്തിലെ യാത്രാസൗകര്യം മെച്ചപ്പെടുത്തുകയാണ് ഇതിന്റെ ലക്ഷ്യം.

അതേസമയം, നഗരത്തിലെ സ്ലം പുനരധിവാസവും വിലകുറഞ്ഞ വീടുകളുടെ നിർമ്മാണവും കൂടുതൽ വ്യാപിപ്പിക്കുമെന്നും ബജറ്റിൽ വ്യക്തമാക്കി. മുംബൈ മഹാനഗര മേഖലയെ ശക്തമായ സാമ്പത്തിക കേന്ദ്രമായി വികസിപ്പിക്കുകയെന്നതാണ് സർക്കാരിന്റെ ലക്ഷ്യം.