താനെ : ശ്രീനാരായണ മന്ദിര സമിതി താനെ ശ്രീനഗർ യൂണിറ്റിന്റെ കൗൺസിൽ, വനിതാ വിഭാഗം, യുവ സമിതി എന്നിവയുടെ സംയുക്ത പൊതുയോഗം ജൂലൈ 26 ഞായറാഴ്ച വൈകിട്ട് 7.30-ന് നടക്കും. പുതിയ യൂണിറ്റ് ഭരണസമിതി അംഗങ്ങളെ പരിചയപ്പെടുത്തുന്നതിനും സമിതിയുടെ ഭാവി പ്രവർത്തനങ്ങൾ ഏകോപിപ്പിക്കുന്നതിനുമായാണ് യോഗം ചേരുന്നത്.

വരാനിരിക്കുന്ന വിവിധ ആഘോഷ പരിപാടികളുടെ സംഘാടനം, യൂണിറ്റിന്റെ പ്രവർത്തനം കൂടുതൽ കാര്യക്ഷമമാക്കുന്നതിനുള്ള മാർഗ്ഗനിർദ്ദേശങ്ങൾ രൂപീകരിക്കൽ എന്നിവ യോഗത്തിൽ വിശദമായി ചർച്ച ചെയ്യും. സ്വാഗത പ്രസംഗത്തോടെ ആരംഭിക്കുന്ന യോഗത്തിൽ മറ്റ് പ്രധാന വിഷയങ്ങളും ചർച്ചയ്‌ക്കെടുക്കും. നന്ദി പ്രകാശനത്തോടെ യോഗം അവസാനിക്കും.

ശ്രീനഗർ യൂണിറ്റിലെ മുഴുവൻ അംഗങ്ങളും കൃത്യസമയത്ത് തന്നെ പൊതുയോഗത്തിൽ എത്തിച്ചേരണമെന്ന് യൂണിറ്റ് സെക്രട്ടറി അനീഷ് കുമാർ അറിയിച്ചു.