മുംബൈയിലെ കേരള ക്രിസ്ത്യൻ കൗൺസിലിന്റെ (KCC) നേതൃത്വത്തിൽ പ്രൗഢഗംഭീരമായ ഓണാഘോഷം സംഘടിപ്പിച്ചു. ഞായറാഴ്ച (20) അന്ധേരി കനോസ ഗേൾസ് സ്കൂളിൽ വെച്ചാണ് വൈവിധ്യമാർന്ന പരിപാടികളോടെ ആഘോഷങ്ങൾ അരങ്ങേറിയത്. ചടങ്ങിൽ പ്രശസ്ത ചലച്ചിത്ര നടി അനഘ മാരുതോറ മുഖ്യാതിഥിയായി പങ്കെടുത്തു.

സെപ്റ്റംബർ 20-ന് നടന്ന വർണ്ണാഭമായ ചടങ്ങിൽ കുട്ടികളും മുതിർന്നവരുമടക്കം വലിയൊരു ജനപങ്കാളിത്തം ദൃശ്യമായി. മുംബൈ മലയാളി സമൂഹത്തിന്റെ ഐക്യവും സഹോദര്യവും വ്യക്തമാക്കുന്ന വിവിധ സാംസ്കാരിക-കലാപരിപാടികൾ ആഘോഷത്തിന് മാറ്റുകൂട്ടി.

​കെ.സി.സി. ചെയർമാൻ ഷിബു മാത്യു, സെക്രട്ടറി കോശി തോമസ്, ട്രഷറർ ജോർജ് തോമസ്, പ്രോഗ്രാം കൺവീനർ സണ്ണിക്കുട്ടി ജോർജ് തുടങ്ങിയ സംഘടന  നേതാക്കൾ ചടങ്ങിൽ ആശംസകൾ നേർന്നു സംസാരിച്ചു.