മുംബൈ: മഹാരാഷ്ട്രയിലെ താനെ ഷഹാപ്പുരിലുള്ള പ്രശസ്തമായ ഹനുമാൻ വെള്ളച്ചാട്ടത്തിൽ പെട്ടെന്നുണ്ടായ വെള്ളപ്പൊക്കത്തിൽ (ഫ്ലാഷ് ഫ്ലഡ്) അഞ്ച് വിനോദസഞ്ചാരികൾ ഒഴുക്കിൽപ്പെട്ടു. മലവെള്ളപ്പാച്ചിലിൽ അപ്രതീക്ഷിതമായി ജലനിരപ്പ് ഉയർന്നതിനെ തുടർന്നാണ് അപകടമുണ്ടായത്.

സംഭവ സ്ഥലത്ത് പൊലീസും പ്രാദേശിക ഭരണകൂടവും തിരച്ചിലും രക്ഷാപ്രവർത്തനവും ഊർജിതമാക്കിയിട്ടുണ്ട്. അപകടത്തിൽപ്പെട്ടവരെ സംബന്ധിച്ച കൂടുതൽ വിവരങ്ങൾ ലഭ്യമായിട്ടില്ല. പ്രകൃതിരമണീയമായ ഹനുമാൻ വെള്ളച്ചാട്ടം സന്ദർശിക്കാൻ നിരവധി വിനോദസഞ്ചാരികളാണ് ദിനംപ്രതി ഇവിടെയെത്തുന്നത്.