മുംബൈ: ദക്ഷിണ മുംബൈയിലെ പൈധോനി പോലീസ് സ്റ്റേഷന് സമീപം എട്ടുവയസ്സുകാരിക്ക് നേരെ ലൈംഗിക അതിക്രമം നടത്തിയ സെക്യൂരിറ്റി ജീവനക്കാരനെ പോലീസ് അറസ്റ്റ് ചെയ്തു. ക്രൂരമായ ഈ സംഭവത്തിന് പിന്നാലെ പ്രദേശത്ത് വലിയ രീതിയിലുള്ള ജനകീയ പ്രതിഷേധമാണ് അരങ്ങേറിയത്.

പ്രതിക്കെതിരെ കർശന നടപടി ആവശ്യപ്പെട്ട് പ്രകോപിതരായ ജനക്കൂട്ടം പൈധോനി പോലീസ് സ്റ്റേഷന് മുന്നിൽ തടിച്ചുകൂടി പ്രതിഷേധിച്ചു. സ്ഥലത്ത് സംഘർഷാവസ്ഥ നിലനിന്നതിനെ തുടർന്ന് കൂടുതൽ പോലീസ് സന്നാഹമെത്തിയാണ് സ്ഥിതിഗതികൾ ശാന്തമാക്കിയത്. പ്രതിക്കെതിരെ ഭാരതീയ ന്യായ സംഹിത (BNS), പോക്സോ (POCSO) വകുപ്പുകൾ പ്രകാരം കേസ് രജിസ്റ്റർ ചെയ്ത് അന്വേഷണം ആരംഭിച്ചതായി മുംബൈ പോലീസ് അറിയിച്ചു.