മുംബൈ: ഫേസ്ഗുരു ഫിലിം അക്കാദമി നിർമ്മിക്കുന്ന പുതിയ മലയാളചിത്രമായ ‘വേലോത്സവം’ സിനിമയുടെ പ്രത്യേക പ്രിവ്യൂ ഷോ മുംബൈയിൽ നടക്കും. മലയാള സിനിമയിലെ ശ്രദ്ധേയനായ സംവിധായകൻ പി. ചന്ദ്രകുമാർ സംവിധാനം ചെയ്ത ഈ ചിത്രം കുടുംബസമേതം ആസ്വദിക്കാവുന്ന കഥയോടെയാണ് ഒരുങ്ങിയിരിക്കുന്നത്.

കേരളത്തിന്റെ പാരമ്പര്യവും ഗ്രാമീണ ജീവിതത്തിന്റെ സൗന്ദര്യവും പശ്ചാത്തലമാക്കിയ ചിത്രത്തിൽ ശക്തമായ കഥയും ഹൃദയസ്പർശിയായ ഗാനങ്ങളും ഉൾക്കൊള്ളുന്നു. സംഗീതം ഒരുക്കിയിരിക്കുന്നത് ശ്രീ പരഞ്ജ്യോതിയാണ്. പാലക്കാട് നെന്മാറ–വല്ലങ്ങി വേലയുടെ നിറപ്പകിട്ടും ലോകപ്രശസ്തമായ വെടിക്കെട്ടിന്റെ ദൃശ്യങ്ങളും ചിത്രത്തിൽ ശ്രദ്ധേയമായി അവതരിപ്പിച്ചിട്ടുണ്ട്.
ചിത്രത്തിന്റെ പ്രത്യേക പ്രിവ്യൂ ഷോ മാർച്ച് 15 ഞായറാഴ്ച രാവിലെ 9 മണിക്ക് ഡോംബിവ്ലി ഈസ്റ്റിലെ റെയിൽവേ സ്റ്റേഷനു സമീപമുള്ള മധുബൻ തിയേറ്ററിൽ നടക്കും. ലോകവ്യാപക റിലീസിന് മുമ്പായി മുംബൈയിലെ പ്രേക്ഷകർക്ക് ചിത്രം ആദ്യമായി കാണാനുള്ള അവസരമാണ് ഇത്.

പ്രവേശനം സൗജന്യമാണ്. ആദ്യം എത്തുന്നവർക്ക് ആദ്യം പ്രവേശനം എന്ന അടിസ്ഥാനത്തിലാണ് പ്രവേശനം അനുവദിക്കുക. സൗജന്യ പാസുകൾക്കായി 8879710016 എന്ന നമ്പറിൽ ബന്ധപ്പെടുകയോ ഷോ ദിവസത്തിൽ തിയേറ്റർ പ്രവേശന കവാടത്തിൽ നിന്ന് പാസ് കൈപ്പറ്റുകയോ ചെയ്യാം. നേരത്തെ എത്തുന്നവർക്ക് സൗകര്യപ്രദമായ സീറ്റുകൾ ലഭിക്കുമെന്ന് സംഘാടകർ അറിയിച്ചു.