പൂനെ: എൻസിപി നേതാവും മഹാരാഷ്ട്രയിലെ മുതിർന്ന രാഷ്ട്രീയപ്രവർത്തകനുമായ ശരദ് പവാറിന്റെ ആരോഗ്യനില വീണ്ടും മോശമായതിനെ തുടർന്ന് അദ്ദേഹത്തെ പൂനെയിലെ റൂബി ഹാൾ ക്ലിനിക്കിൽ പ്രവേശിപ്പിച്ചു.

അസ്വസ്ഥത അനുഭവപ്പെട്ടതിനെ തുടർന്ന് ഡോക്ടർമാരുടെ നിർദേശപ്രകാരം ആശുപത്രിയിൽ പ്രവേശിപ്പിക്കുകയായിരുന്നു. നിലവിൽ വിദഗ്ധ ഡോക്ടർമാരുടെ നിരീക്ഷണത്തിലാണ് അദ്ദേഹം കഴിയുന്നത്.

ആരോഗ്യനില മോശമായെന്ന വാർത്ത പുറത്ത് വന്നതോടെ രാഷ്ട്രീയരംഗത്തും പാർട്ടി പ്രവർത്തകരിലും ആശങ്ക ഉയർന്നു.

ആരോഗ്യസ്ഥിതിയെക്കുറിച്ചുള്ള കൂടുതൽ വിവരങ്ങൾ ആശുപത്രി അധികൃതർ പിന്നീട് അറിയിക്കുമെന്ന് പ്രതീക്ഷിക്കുന്നു.