മുംബൈ: മീരാ റോഡ് മലയാളി സമൂഹത്തിന്റെ (Mira Road Malayalee Samajam) 2026-28 കാലയളവിലേക്കുള്ള പുതിയ മാനേജിങ് കമ്മിറ്റി തിരഞ്ഞെടുക്കപ്പെട്ടു.
സമൂഹത്തിന്റെ പ്രവർത്തനങ്ങൾക്ക് പുതുവൈഭവം നൽകുമെന്ന പ്രതീക്ഷയിലാണ് പുതിയ ഭാരവാഹികൾ ചുമതലയേറ്റത്.
പ്രസിഡന്റായി സക്കറിയ എം. സക്കറിയ, വൈസ് പ്രസിഡന്റായി കെ.വി. കുഞ്ഞികൃഷ്ണൻ, സെക്രട്ടറിയായി എം.എസ്. ദാസ്, ജോയിന്റ് സെക്രട്ടറിയായി ഫ്രാൻസിസ് പി.വി., ട്രഷററായി സിജുമോൻ പി. അഡിയത്ത് എന്നിവരാണ് തിരഞ്ഞെടുക്കപ്പെട്ടത്.
സംഘടനയുടെ പ്രവർത്തനങ്ങളെ കൂടുതൽ സജീവവും ശക്തവുമാക്കുന്നതിനുള്ള പ്രതിബദ്ധതയോടെയാണ് പുതിയ നേതൃത്വസംഘം മുന്നോട്ട് പോകുന്നതെന്ന് ഭാരവാഹികൾ അറിയിച്ചു.
കമ്മിറ്റിയിലെ മറ്റ് അംഗങ്ങളായി ശ്രീകല മോഹൻ, ഡോ. വിദ്യു വാസുദേവ്, ഗിരിജ പണിക്കർ, വിജു സി. വർഗീസ്, ജോസ് ബേബി (ശൃഷ്ടി), പ്രവീൺ നായർ, സജീവ് നായർ, റോയ് തോമസ്, ഷാജി ഡാനിയൽ, ജോസ് ജോർജ്, അഡ്വ. സംജി ജോസഫ്, തോമസ് പോൾ, ഔസഫ് സി.വി. എന്നിവർ തെരഞ്ഞെടുക്കപ്പെട്ടു.
സാമൂഹിക, സാംസ്കാരിക, സേവന പ്രവർത്തനങ്ങൾ കൂടുതൽ വ്യാപിപ്പിക്കുന്നതിനായി പുതിയ കമ്മിറ്റി വിവിധ പദ്ധതികൾ ആസൂത്രണം ചെയ്തിട്ടുണ്ടെന്നും, സമൂഹത്തിലെ അംഗങ്ങളുടെ പങ്കാളിത്തത്തോടെ മുന്നോട്ട് പോകുമെന്നുമാണ് നേതൃത്വത്തിന്റെ പ്രതികരണം.
