മുംബൈ: ഓട്ടോറിക്ഷ ഡ്രൈവർമാരുടെ വരുമാനത്തെ കുറിച്ചുള്ള ഒരു വീഡിയോ സോഷ്യൽ മീഡിയയിൽ വൈറലായി, തൊഴിലും വിജയവും സംബന്ധിച്ച വലിയ ചർച്ചയ്ക്ക് വഴിയൊരുക്കി. ദിവസേന ശരാശരി 2,500 രൂപ വരെ സമ്പാദിക്കുന്നുവെന്ന് വീഡിയോയിൽ പറയപ്പെടുന്നതോടെയാണ് ചര്ച്ച ചൂടുപിടിച്ചത്. ഇതനുസരിച്ച് മാസവരുമാനം ഏകദേശം 75,000 രൂപയെന്ന കണക്കുകൂട്ടലും ശ്രദ്ധ നേടുന്നു.
വീഡിയോ പുറത്ത് വന്നതോടെ, ഓട്ടോ ഡ്രൈവിങ് പോലുള്ള തൊഴിൽ മേഖലകളുടെ യാഥാർത്ഥ്യ വരുമാന സാധ്യതകളെ കുറിച്ച് പലരും പ്രതികരിച്ചു. സ്ഥിരവേതന ജോലികളേക്കാൾ കൂടുതൽ വരുമാനം നേടാനാകുമെന്ന വാദവും, ഇതിൽ ഉൾപ്പെടുന്ന ചെലവുകളും കഷ്ടപ്പാടുകളും കണക്കിലെടുക്കണമെന്നും മറ്റൊരു വിഭാഗം ചൂണ്ടിക്കാട്ടുന്നു.
ഇന്ധനച്ചെലവ്, വാഹനപരിപാലനം, ജോലിസമയം തുടങ്ങിയ ഘടകങ്ങൾ ഉൾപ്പെടുത്തി നോക്കുമ്പോൾ യഥാർത്ഥ ലാഭം കുറയാമെന്ന അഭിപ്രായവും ഉയരുന്നു. അതേസമയം, പരിശ്രമവും സമയനിയന്ത്രണവും ഉണ്ടെങ്കിൽ ഓട്ടോ ഡ്രൈവിങ് ഒരു സ്ഥിരവരുമാന മാർഗമായി മാറാമെന്ന നിലപാടും ശക്തമാണ്.
സാമൂഹിക മാധ്യമങ്ങളിലൂടെ വ്യാപകമായി പ്രചരിച്ച ഈ വീഡിയോ, ഇന്നത്തെ യുവതലമുറയിൽ തൊഴിൽ തിരഞ്ഞെടുപ്പിനെയും വിജയത്തിന്റെ മാനദണ്ഡങ്ങളെയും കുറിച്ചുള്ള പുതിയ ചിന്തകൾക്ക് വഴിതെളിക്കുന്നതായി വിലയിരുത്തപ്പെടുന്നു.
