दाक्षिणात्य सिनेसृष्टीतील सुपरस्टार थलपती विजयचा आगामी आणि अखेरचा चित्रपट ‘जन नायगन’ रिलीजआधीच वादाच्या भोवऱ्यात अडकला आहे. चित्रपटाच्या विषयावर विविध संघटनांनी आक्षेप नोंदवला असून, यामुळे चित्रपट चर्चेचा विषय ठरत आहे.
हे पहिल्यांदाच नाही की विजयचा एखादा चित्रपट वादात सापडला आहे. याआधीही त्याच्या अनेक चित्रपटांनी रिलीजपूर्वी किंवा नंतर वाद ओढवून घेतले आहेत.
विजयचा ‘मर्सल’ हा चित्रपट सर्वाधिक वादग्रस्त ठरला होता. चित्रपटातील काही संवादांवर आक्षेप घेत अनेक राजकीय नेत्यांनी ते बदलण्याची मागणी केली होती. मात्र, सर्व वादांनंतरही ‘मर्सल’ने बॉक्स ऑफिसवर जबरदस्त यश मिळवले.
‘थुप्पाकी’ या चित्रपटावरही परदेशी चित्रपटाशी साधर्म्य असल्याचे आरोप झाले होते. यामुळे निर्मात्यांना कायदेशीर नोटीसचा सामना करावा लागला होता. शिवाय, चित्रपटातील लष्कर आणि दहशतवादाशी संबंधित मुद्द्यांवरही जोरदार चर्चा झाली होती.
चित्रपट ‘सरकार’ मध्ये दाखवण्यात आलेल्या मतदान प्रक्रिया आणि राजकारणाशी निगडित दृश्यांवर काही राजकीय पक्षांनी नाराजी व्यक्त केली होती. तरीदेखील हा चित्रपट बॉक्स ऑफिसवर यशस्वी ठरला.
तर ‘कावलन’ चित्रपटातील काही संवादांमुळे वाद निर्माण झाला होता. मात्र, नंतर प्रकरण निवळले आणि चित्रपट प्रदर्शित झाला.
सध्या ‘जन नायगन’ वादात असला तरी चाहत्यांमध्ये चित्रपटाबाबत प्रचंड उत्सुकता आहे. विजयने निवृत्ती जाहीर केल्यानंतरचा हा शेवटचा चित्रपट असल्याने प्रेक्षकांचा विश्वास आहे की ‘जन नायगन’ला चाहत्यांचे भरभरून प्रेम मिळेल.
