മുംബൈ: മുംബൈ നഗരത്തിലെ കുടിവെള്ള ക്ഷാമത്തിന് ആശ്വാസമേകാൻ ലക്ഷ്യമിട്ടുള്ള ഗാർഗൈ അണക്കെട്ട് (Gargai Dam) നിർമ്മാണം 2027 ജനുവരിയോടെ ആരംഭിച്ചേക്കും. ബൃഹന്മുംബൈ മുൻസിപ്പൽ കോർപ്പറേഷന്റെ (BMC) നിർദ്ദിഷ്ട പദ്ധതിയിലൂടെ 2029-ലെ കാലവർഷത്തോടെ പ്രതിദിനം 440 ദശലക്ഷം ലിറ്റർ (MLD) അധിക കുടിവെള്ളം മുംബൈയിലെത്തിക്കാനാണ് ലക്ഷ്യമിടുന്നത്.

വന-വന്യജീവി സംരക്ഷണാനുമതികൾ ലഭിക്കുന്നതിലെ കാലതാമസത്തെ തുടർന്നാണ് പദ്ധതിയുടെ നിർമ്മാണ പ്രവർത്തനം ആരംഭിക്കുന്നത് വൈകുന്നത്. ആവശ്യമായ പരിസ്ഥിതി അനുമതികൾ ലഭ്യമാകുന്ന മുറയ്ക്ക് നിർമ്മാണം ആരംഭിക്കാനുള്ള നടപടികളുമായി ബിഎംസി മുന്നോട്ടുപോകുകയാണ്. പദ്ധതി പൂർത്തിയാകുന്നതോടെ നഗരത്തിലെ വർധിച്ചുവരുന്ന ജല ആവശ്യകത പരിഹരിക്കാൻ ബിഎംസിക്ക് സാധിക്കും.